У ходзе расследавання амерыканскай газеты New York Times, высветлілася, што джыхадзісты з экстрэмісцкай групоўкі «Ісламская дзяржава» даюць жанчынам, якіх утрымліваюць у сэксуальным рабстве, супрацьзачаткавыя сродкі — каб цяжарнасць не зашкодзіла іх сэксуальнай эксплуатацыі.
Карэспандэнты газеты пагаварылі больш як з 35 жанчынамі, якія належаць да язідскай этнаканфесійнай меншасці ў Іраку, якім удалося вырвацца з рук джыхадзістаў.
Па словах жанчын, баевікі давалі ім прэпараты, якія прымаюцца аральна, так і ін'екцыйныя кантрацэптывы.
Паведамляецца таксама прынамсі пра адзін выпадак, калі сэксуальную рабыню прымусілі зрабіць аборт.
Баявікі «Ісламскай дзяржавы» адкрыта прызнаюць, што сістэматычна бяруць у рабства і гвалцяць язідскіх жанчын і дзяўчат.
Каментатары мяркуюць, што джыхадзісты дапускаюць ўжыванне кантрацэптываў, зыходзячы са сваёй уласнай трактоўкі ісламу, у рамках якой рабыню можна гвалтаваць, калі яна не становіцца цяжарнай.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары