Дагестанскі спартсмен Саід Асманаў, які прыехаў у сталіцу Калмыкіі Элісту для ўдзелу ў спаборніцтвах Усерасійскага турніра па вольнай барацьбе, справіў патрэбу ў храме і ўдарыў у нос статую Буды.
Відэазапіс таго, што адбылося ў храме, трапіў у інтэрнэт праз сацыяльную сетку Periscopе. У выніку мясцовыя жыхары зладзілі з дагестанцамі разборку ў цэнтры горада.
Жыхары Элісты, убачыўшы ролік, прыехалі ў гатэль, дзе спыніўся спартсмен, выцягнулі яго на вуліцу, паставілі на калені і прымусілі публічна папрасіць прабачэння.
Інтэрнэт-доступ да скандальнага роліка цяпер спынены. У Сетцы затое ёсць відэазапіс таго, як спартоўца прымусілі папрасіць прабачэння перад калмыкамі.
Пры гэтым кіраўнік Калмыкіі Аляксей Арлоў заявіў, што хулігану пагражае турэмны тэрмін. Па звестках СМІ, у дачыненні да спартсмена распачата справа па арт. 148 КК Расіі (парушэнне права на свабоду сумлення і веравызнанняў).
У гэты час Асманаў знаходзіцца ў СІЗА.
Перад народам Калмыкіі за дзікую выхадку юнака давялося прасіць прабачэння кіраўніку ўрада Дагестана. Абдусамад Гамідаў спешна прыбыў у Калмыкію ўладжваць канфлікт. Старшыня ўрада Дагестана папрасіў прабачэння за жахлівую выхадку 22-гадовага выхадца рэспублікі.
-
Сустрэча Трампа і Пуціна будзе, але не факт, што на наступным тыдні
-
Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы
-
«Вайна павінна завяршыцца. І гэта павінна быць сумленнае завяршэнне». Зяленскі расказаў пра размову з Трампам
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары