У Мінску 29 красавіка адкрываецца сезон фантанаў, паведамілі ва УП «Мінскзеленбуд».
Паводле слоў прадстаўніка прадпрыемства, у 18.00 каля опернага тэатра адбудзецца ўрачыстая цырымонія запуску фантанаў, у 18.45 будуць уключаныя ўсе фантаны ў горадзе.
Пасля зімы на ўсіх аб'ектах быў праведзены бягучы рамонт, мантаж абсталявання, касметычная ўборка.
Зараз на абслугоўванні прадпрыемства «Мінскзеленбуд» знаходзіцца 33 сталічныя фантаны, у тым ліку найстарэйшы — «Хлопчык з лебедзем» (1874 года пабудовы) у скверы каля Нацыянальнага акадэмічнага тэатра імя Янкі Купалы. Гэты фантан адкрываецца пасля рэканструкцыі. Самы высокі фантан — «Ветразь» — размешчаны ў акваторыі Камсамольскага возера.
Астатнія фантаны (больш за 100) лічацца на балансе асобных прадпрыемстваў і ведамстваў.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»1
Каментары