Уладальнікі веганскай кавярні «Ківі» ў Тбілісі звярнуліся за грамадскай падтрымкай пасля таго, як некалькі чалавек закідалі кавярню смажаным мясам і сасіскамі.
Інцыдэнт адбыўся ўвечары ў нядзелю, нападнікі — каля дзесяці чалавек — паспелі збегчы да прыезду паліцыі.
Уладальнікі кавярні заяўляюць, што гэта не жарт, а выпадак запалохвання з боку «неанацыстаў».
Па іх словах, кавярня ўжо выклікала незадаволенасць некаторых мясцовых жыхароў з-за ладу жыцця гаспадароў — «таго, як мы выглядаем, якую музыку слухаем, якія ідэі падтрымліваем, і факту, што мы не ямо мяса», — а таксама з- за падтрымкі імі правоў ЛГБТ.
«У гэты цяжкі момант вы можаце падтрымаць нас, проста прыехаўшы ў нашу кавярню, мы будзем удзячныя, калі вы проста пакажаце, што неабыякавых людзей шмат», — гаворыцца ў заяве кавярні на фэйсбуку.
Цяпер чытаюць
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў2
Каментары