Шатландыя бачыць сваю будучыню ў складзе Еўрасаюза, заявіла першы міністр Шатландыі Нікола Стэрджэн, каментуючы папярэднія вынікі рэферэндуму аб членстве Брытаніі ў ЕС.
«Шатландыя ясна і рашуча прагаласавала за тое, каб застацца часткай Еўрасаюза», — падкрэсліла лідар Шатландскай нацыянальнай партыі (SNP).
Раней яна адзначала, што «брэксіт» можа стаць пралогам да незалежнасці Шатландыі.
Па папярэдніх дадзеных, 62% насельніцтва Шатландыі выказаліся за захаванне сяброўства ў ЕС, 38% прагаласавалі за выхад з блока.
Былы лідар шатландскіх нацыяналістаў Алекс Салманд ужо заклікаў правесці паўторны рэферэндум аб незалежнасці Шатландыі.
Цяпер чытаюць
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?2
Каментары