На 54-м годзе жыцця ў Маскве памёр вядомы беларускі хакеіст, выхаванец менскай школы «Юнацтва» Юрый Шыпіцын, інфармуе сайт ХК «Юнацтва-Мінск».
У складзе каманды СДЮШАР «Юнацтва» Юрый Шыпіцын станавіўся бронзавым прызёрам моладзевага чэмпіянату СССР. Дзякуючы разумнай і тэхнічнай гульні малады мінскі форвард запрашаўся ў юніёрскую і моладзевую зборныя Савецкага Саюза. У 1979 годзе Шыпіцын быў бронзавым прызёрам юніёрскага чэмпіянату Еўропы, годам пазней — чэмпіёнам кантынента, ў 1981-м бронзавым прызёрам моладзевага чэмпіянату свету.
Клубная кар'ера Юрыя Шыпіцына на найвышэйшым узроўні стартавала ў сезоне-1979/1980, у якім, як і ў чатырох наступных, ён абараняў колеры мінскага «Дынама». Пазней Юрый гуляў за рыжскае «Дынама», маскоўскі «Спартак» і омскі «Авангард», а таксама ў клубах Германіі і Швейцарыі. Выступаючы за маскоўскіх спартакаўцаў, Юрый Шыпіцын у 1991 годзе стаў срэбным прызёрам апошняга чэмпіянату СССР.
Каментары