У мексіканскім штаце Пуэбла застрэлены мэр горада Хуэхуэтлан эль Грандэ — Хасэ Сантас Марыя Завала. Гэта ўжо трэці мэр, забіты ў краіне за апошнія два тыдні.
Ён быў знойдзены мёртвым ля свайго аўтамабіля. Яго сакратаркі, якая ехала ў той жа машыне, на месцы злачынства, калі туды прыехала паліцыя, не было. Яе месцазнаходжанне ў дадзены момант невядомае. Не называецца пакуль і матыў нападу.
Летась Завалу збілі, абрабавалі і трымалі закладнікам ва ўласным доме мясцовыя бандыты.
У ліпені ад рук злачынцаў загінулі два мэры мексіканскіх гарадоў, адзін з якіх неаднаразова звяртаўся да цэнтральных уладаў з просьбай аб абароне пасьля пагрозаў членаў мафіі.
Паводле дадзеных Асацыяцыі мэраў Мексікі, з 2003 года былі забітыя 40 кіраўнікоў гарадоў, сем чалавек толькі абраных, якія не паспелі ўступіць на пасаду мэра, і 32 былыя мэры.
У студзені гэтага года мэр горада Тэміска ў штаце Марэлас была застрэленая на вачах у сваёй сям'і менш, чым праз суткі пасля таго, як яна прыступіла да сваіх абавязкаў.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары