Затопленыя ў выніку моцных дажджоў вуліцы сталіцы Бангладэш Дацы афарбаваліся ў чырвоны колер пасля маштабнага забою жывёл у гонар мусульманскага свята Курбан-байрам.
Гарадскія ўлады дазволілі жыхарам забіваць жывёл толькі ў спецыяльна адведзеных месцах, аднак большасць гараджанаў не змаглі дабрацца да іх з-за ліўняў.
У выніку многія жыхары Дакі забівалі жывёл на падземных аўтамабільных стаянках, у гаражах і завулках, а іх кроў зсцякала на затопленыя вуліцы.
Паводле дадзеных Бенгальскай службы Бі-бі-сі, за апошнія дні ў Дацы было забіта каля 100 тысяч жывёл. Аднак гараджан зусім не шакуе відовішча крывавай вады на вуліцах, бо ў Дацы перыядычна здараюцца паводкі, а масавы забой жывёл адбываецца кожны год.
Згодна з мусульманскай традыцыяй, мяса забітых кароў і коз дзеліцца паміж членамі сям'і, сябрамі і беднякамі, а трыбухі выкідваюцца.
Многія жыхары Дакі крытыкуюць сталічныя ўлады за дрэннае ўладкаванне дрэнажных сістэм, а таксама за дрэннае інфармаванне жыхароў аб месцах, дзе можна было забіваць жывёлу ў святочныя дні.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі24
Каментары