Першымі турыстамі, якія ўехалі без віз на тэрыторыю парку «Аўгустоўскі канал», сталі прадстаўнікі польскай дэлегацыі на чале з маршалкам Падляскага ваяводства Ежы Ляшчынскім.
Маршалак Ежы Ляшчынскі перасёк беларуска-польскую граніцу ў пункце пропуску «Лясная-Рудаўка». Сустракаў польскую дэлегацыю старшыня Гродзенскага аблвыканкама Уладзімір Краўцоў.
«Гэта значная падзея не толькі для нашага рэгіёна, але і для краіны, а таксама для нашых суседзяў. У нас добрыя кантакты з Падляскім ваяводствам, магчымасць для нашых суседзяў наведваць Гродна і Гродзенскі раён без віз, упэўнены, дасць штуршок да далейшага ўмацавання культурных, турыстычных і эканамічных кантактаў», - сказаў Уладзімір Краўцоў. Ён таксама падкрэсліў, што і грамадзяне іншых краін праяўляюць цікавасць да новай магчымасці, пакідаюць заяўкі ў турфірм і на спецыялізаваным сайце.
Як адзначыў Ежы Ляшчынскі, «першапачатковыя ўражанні ад новага рэжыму станоўчыя». Паводле яго слоў, цяпер шмат робіцца для таго, каб Аўгустоўскі канал быў цэласным аб'ектам, даступным на ўсім працягу, і такое рашэнне - важны крок на шляху да гэтага.
Польская дэлегацыя, першыя бязвізавыя турысты, азнаёміцца з патэнцыялам беларускай часткі Аўгустоўскага канала. Таксама ў праграме наведванне пункта пропуску «Сафіёва-Ліпчаны» на беларуска-польскай граніцы, сустрэча ў Гродзенскім аблвыканкаме. Акрамя таго, у Гродне будзе адкрыты турысцка-інфармацыйны цэнтр Падляскага ваяводства, аналагічны аб'ект, прысвечаны гораду Гродна, пачне работу ў Беластоку.
З 26 кастрычніка замежныя турысты могуць прыязджаць у спецыяльны турысцка-рэкрэацыйны парк «Аўгустоўскі канал» без візы. У так званую бязвізавую зону ўвайшлі таксама Гродна і частка Гродзенскага раёна. Для наведвання парку іншаземцу неабходна мець з сабой пашпарт (або іншы дакумент для выезду за граніцу) і дакумент, які прадастаўляе права на наведванне Аўгустоўскага канала. Выдачай і афармленнем такіх дакументаў займаюцца турыстычныя фірмы. Запоўніць заяўку ў рэжыме анлайн можна на спецыялізаваным сайце grodnovisafree.by.
У турыстаў павінны быць грошы для расходаў на знаходжанне ў Беларусі і выезд з краіны. На кожны дзень знаходжання трэба мець суму ў валюце або беларускіх рублях, эквівалентную не менш чым 2 базавым велічыням (цяпер 1 БВ - Br21). Бязвізавы рэжым будзе дзейнічаць да 31 снежня 2017 года.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары