Папуляцыя млекакормячых, птушак, рыб, амфібій і рэптылій з 1970 года скарацілася практычна на 60%, гаворыцца ў дакладзе Сусветнага фонду дзікай прыроды.
Фонд сумесна з заалагічным таварыствам Лондана разлічвае індэкс, які адлюстроўвае колькасць розных відаў жывёл. З 1970 па 2012 год індэкс знізіўся на 58%.
У фондзе ўпэўненыя, што да 2020 года індэкс знізіцца на 67% у параўнанні з 1970 годам.
У WWF тлумачаць скарачэнне папуляцый жывёл дзейнасцю чалавека. Людзі забіраюць усё больш зямлі для фермерскай дзейнасці і будаўніцтва гарадоў.
Прычынай вымірання жывёл становіцца забруджванне навакольнага асяроддзя, змяненне клімату, паляванне, а таксама ўнясенне ў асяроддзе чалавекам нетыповых для дадзенай мясцовасці раслін і жывёл.
Згодна з дакладам, найбольшыя страты панеслі жывёлы, якія жывуць у азёрах, рэках і на балотах. За 40 гадоў папуляцыі жывёл, якія жывуць у прэснай вадзе, скараціліся на 81%.
У фондзе адзначылі значнае скарачэнне колькасці сланоў ў Афрыцы, а таксама акул з-за занадта актыўнага вылаву рыбы.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока3
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары