Нацбанк паведаміў, што з 1 лістапада будзе зменены прынцып фарміравання валютнага кошыка.
Доля расійскага рубля складзе 50%, даляр — 30%, еўра — 20%.
Гэта азначае, што беларускі рубель будзе мацней прывязаны да расійскай валюты.
«Дадзенае рашэнне прынята ў рамках стратэгіі паэтапнага збліжэння ўдзельнай вагі расійскага рубля ў кошыку замежных валют і долі Расіі ў знешнегандлёвым абароце Беларусі, якая складае каля 50%», — гаворыцца ў паведамленні.
На дадзены момант прапорцыі вылічваюцца ў наступных долях: расійскі рубель — 40%, даляр і еўра — па 30%. Раней між гэтымі трыма валютамі быў зафіксаваны парытэт — па 33%.
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам18
Каментары