Ва Украіне адкрываецца мастацкая выстава ў гонар беларускіх добраахвотнікаў
11 лістапада ў Чаркаскім абласным мастацкім музеі адбудзецца адкрыццё выставы «Беларусь з Украінай у сэрцы».
Гэта супольны праект беларускіх і ўкраінскіх мастакоў, прысвечаны памяці добраахвотнікаў тактычнай групы «Беларусь», якія ваявалі з расійскімі баевікамі на Данбасе.
На выставе будуць паказаныя больш за 40 твораў сяброў Беларускага саюзу мастакоў Генадзя Драздова, Алеся Пушкіна, Алеся Сушы, Андруся Такінданга і Алеся Цыркунова, а таксама ўкраінскага жывапісца Тараса Носара.
Карціны былі створаныя падчас пленэру непадалёк ад лініі фронту ў лістападзе 2015 года — побач з Данецкім аэрапортам, каля вёсак Пяскі, Валнаваха і іншымі, дзе ваявалі беларускія добраахвотнікі.
Рэпартаж Антося Цялежнікава «Пэндзлі замест аўтаматаў», які быў прысвечаны пленэру, толькі нядаўна перамог на фестывалі ў польскім горадзе Торунь.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»7
Каментары