Узнагародай «За выбітнае майстэрства» было адзначана яго фота «Гульня ў шашкі».
Узнагародай было адзначана яго фота «Гульня ў шашкі».
Усяго на конкурс было даслана больш за 13 тысяч заявак з 61 краіны. Прафэсійныя фатографы, фотакарэспандэнты і тэлепрадусар з ЗША, Новай Зэляндыі, Тайваню, Канады і Нямеччыны выбралі для ўдзелу ў фінале 145 фатаздымкаў. Спонсарам конкурсу выступіла тэлебачаньне Da Tang Feng Network.
Спаборніцтва праходзіла ў трох намінацыях: «Грамадзтва і звычаі», «Прырода» і «Рэкляма, партрэты, мода, архітэктура».
Месца абсалютнага пераможцы засталося вакантным, роўна як і першае месца ў намінацыі «Рэкляма, партрэты, мода, архітэктура». Залатыя мэдалі ў намінацыях «Грамадзтва» і «Прырода» дасталіся мастакам з Тайваню і ЗША.
Паўсотні ўдзельнікаў ушанаваныя ўзнагародай «За выбітнае майстэрства».
Сярод іх — Уладзімір Базан, былы рэдактар незалежнай газэты «Витебский курьер», якая спыніла сваё існаваньне ўвесну 2007 г.
Сёньня Ўладзімер Базан зьяўляецца заснавальнікам і галоўным рэдактарам газэты «Курьер из Витебска», якая выходзіць абмежаваным накладам.
Заснавальнік конкурсу фатаграфіі — міжнароднае выданьне The Epoch Times, якое распаўсюджваецца па ўсім сьвеце і мае сайт на 17 мовах. Пачатковай мэтай выданьня было процістаяць кітайскай цэнзуры.
Фатаздымкі, што перамаглі на конкурсе, будуць апублікаваны на сайце The Epoch Times і ў друкаваных выпусках.
Выстава творчасьці фіналістаў адчыніцца неўзабаве ў Нью‑Ёрку.
Цяпер чытаюць
Лукашэнка ўжо ўгаворвае Зяленскага сустрэцца і называе на імя па бацьку3
Каментары