Міністр адукацыі анансаваў скарачэнне тэрмінаў навучання па некаторых спецыяльнасцях
Міністр адукацыі Ігар Карпенка падчас размовы з журналістамі анансаваў скарачэнне тэрмінаў навучання па некаторых спецыяльнасцях ва ўстановах вышэйшай адукацыі, паведамляе БелТА.
«Мы паглядзелі тэрміны падрыхтоўкі па шэрагу спецыяльнасцяў. Ёсць спецыяльнасці, па якіх мы можам рыхтаваць 4—4,5 года. Гэта ўжо ў практыцы ўкаранёна», — сказаў Ігар Карпенка. Ён дадаў, што ёсць яшчэ каля 50 спецыяльнасцяў, дзе можна прадугледзець перавод на скарочаны тэрмін навучання, то бок, да 4—4,5 гадоў.
Тым не менш існуюць спецыяльнасці, па якіх перавесці навучанне на скарочаны тэрмін немагчыма. Міністр прывёў у прыклад медыцынскія спецыяльнасці, спецыяльнасці для ядзернай энергетыкі, некаторыя творчыя спецыяльнасці (напрыклад, архітэктура, скульптура), дзе патрабуецца больш працяглая падрыхтоўка. У новай рэдакцыі Кодэкса аб адукацыі гэта будзе закладзена.
Каментары