28 ліпеня пачнуцца здымкі 4‑сэрыйнага тэлевізійнага мастацкага фільму «Снайпэр. Зброя адплаты», сумеснай карціны «Беларусьфільма», Белтэлерадыёкампаніі й расейскай кампаніі «Цэнтрал партнэршып». Рэжысэрам стужкі выступае Аляксандар Яфрэмаў.
Дзея фільма праходзіць пад Сталінградам і ў маленькім нямецкім мястэчку. Сталінград узьвядуць пад Менскам, а асноўныя здымкі пройдуць у Мірскім замку.
Карціна будзе з дынамічным сюжэтам, трукамі й эфэктнымі сцэнамі, і ў той жа час у аснове сюжэту — чалавечыя пачуцьці.
Гісторыя пачынаецца ў 1942 годзе пад Сталінградам, калі група снайпэраў пад камандаваньнем старшага лейтэнанта Яшына сутыкаецца з хітрым праціўнікам — нямецкім капітанам Карлам Кляйстам. У падстаўленай ім пастцы гіне каханая старшага лейтэнанта, дзяўчына‑снайпэрка Алеся Мікуліч, а сам Яшын атрымлівае цяжкае раненьне. І толькі пасьля заканчэньня вайны, на службе камэндантам у невялічкім нямецкім гарадку, Яшын атрымлівае нечаканую магчымасьць адпомсьціць за гібель каханай дзяўчыны.
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары