Суд Чачэрскага раёна вынес прыгавор жыхару Чачэрска, які катаў гамяльчаніна на прычэпленым да машыны гімнастычным маце.
Абвінавачаны прызнаны вінаватым у парушэнні правілаў і эксплуатацыі транспартных сродкаў асобай, якая кіруе транспартным сродкам у стане алкагольнага ап'янення, што выклікала па неасцярожнасці смерць чалавека.
На падставе ч.4 арт.317 КК яму прызначана пакаранне ў выглядзе 4 гадоў пазбаўлення волі з адбываннем пакарання ў папраўчай калоніі ва ўмовах пасялення, з пазбаўленнем права кіравання транспартнымі сродкамі тэрмінам на 5 гадоў.
Трагедыя адбылася ў аграгарадку Атор Чачэрскага раёна 16 снежня. Кампанія з пяці маладых людзей прывязала вяроўкамі да аўтамабіля гімнастычны мат, на якім вырашыла пакатацца. Мат занесла. Адзін з «пасажыраў» вылецеў за межы праезнай часткі, стукнуўся аб драўлянае агароджу смеццевага кантэйнера і загінуў на месцы.
Цяпер чытаюць
Дзмітрый Лукашэнка хоча паставіць пад кантроль усе мабільныя тэлефоны6
Каментары