Спецыялісты Рассельгаснагляду ў сераду, 5 красавіка, адправяцца ў Беларусь для праверкі жывёлагадоўчых прадпрыемстваў краіны. Пра гэта РБК распавяла афіцыйны прадстаўнік ведамства Юлія Мелано.
«Заўтра спецыялісты Рассельгаснагляду выязджаюць у Беларусь, зараз фарміруем спіс прадпрыемстваў для праверкі, будзем узгадняць яго з беларускім бокам», — сказала Мелано. Яна дадала, што дакладныя тэрміны інспекцыі пакуль не ўстаноўлены.
Напярэдадні, 3 красавіка, у Стрэльне пад Санкт-Пецярбургам адбыліся перамовы Уладзіміра Пуціна з Аляксандрам Лукашэнкам. На сустрэчы, у прыватнасці, уздымалася пытанне аб супрацоўніцтве ў сферы сельскай гаспадаркі.
«Я прасіў урад РФ, каб на гэтым тыдні нашы спецыялісты выехалі ў Беларусь і папрацавалі там з калегамі на адпаведных прадпрыемствах, у дачыненні да якіх паўсталі нейкія сумневы з пункту гледжання захавання нашых фітасанітарных нормаў», - заявіў кіраўнік расійскай дзяржавы.
Візіт супрацоўнікаў Рассельгаснагляду ў Беларусь стане першым з пачатку 2017 года.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі7
Каментары