У РПЦ да Вялікадня дабраславілі калекцыю праваслаўных iPhone у золаце за $3500
Перад святам Вялікадня брэнд люксовых смартфонаў Caviar выпусціў і асвяціў у царкве залатыя iPhone 7 з выгравіраваным на корпусе тэкстам малітваў «Ойча наш» і «Збаў і сцеражы», узоры мадэляў з'явіліся на сайце кампаніі.
Два першыя тэлефоны лімітаванай калекцыі з 99 апаратаў былі асвечаны ў Гарадзецкім Фёдараўскі мужчынскім манастыры: іх асабіста блаславіў і асвяціў біскуп Гарадзецкі і Вятлужскі Аўгусцін, паведамляе Znak.com са спасылкай на прэс-службу Caviar.
«Уладыку паказалі мадэлі, патлумачылі сутнасць калекцыі. Наколькі я ведаю, яму спадабаўся дызайн і ён яго высока ацаніў, пахваліў. Яны параіліся, вырашылі, што справа добрая, можна асвяціць. Ён дабраславіў у цэлым гэтую калекцыю. З боку царквы гэта было абсалютна бескарысліва і бясплатна», —распавяла прэс-сакратар брэнда Ганна Лобава.
Карпусы смартфонаў выкананы з суцэльнага золата. Гравіроўка ў выглядзе ўзору нанесена на заднюю панэль і бакавыя грані. «Дызайн тэлефона Caviar Credo «Збаў і сцеражы» ўвасабляе ў сваім пышным вобразе высокую ідэю ўрачыстасці веры», — гаворыцца ў апісанні мадэлі. Аб'ёмныя гравіроўкі пакрытыя золатам 999-й пробы.
У дэкоры мадэлі «Ойча наш» выкарыстаны арнаментальныя матывы ратонды ў храме Гроба Гасподняга ў Іерусаліме. Словы малітвы выгравіраваны па золаце і апраўленыя ўзорам. У дадатак да кожнай мадэлі смартфонаў прадстаўлены таксама гадзіннік Apple Watch. Кошт смартфонаў — ад $3500.
Навінку ўжо пракаментаваў протадыякан Андрэй Кураеў. У эфіры радыёстанцыі «Говоріт Москва» ён патлумачыў, што
выпуск пазалочаных тэлефонаў з выгравіраванымі малітвамі — гэта капрыз прадпрымальнікаў, і царкве не прыстала яму саступаць. Паводле яго слоў, гэта не тая рэч, якая неабходная хрысціяніну, і яна прызначана, каб выхваляцца сваёй заможнасцю і сваёй пабожнасцю.
«Тым больш тэлефоны (асабліва мужчыны) носяць у задніх кішэнях сваіх штаноў. Са святым тэкстам гэта не зусім дарэчы», — перасцярог Кураеў.
Кампанія Caviar заснавана італьянскім ювелірам Іліёй Джакамеці. Першы дэкараваны смартфон прадставілі ў 2001 годзе.
Цяпер чытаюць
Загінуў беларускі добраахвотнік Васіль «Дзір» Рапіцкі10
Каментары