U RPC da Vialikadnia dabrasłavili kalekcyju pravasłaŭnych iPhone u zołacie za $3500
Pierad śviatam Vialikadnia brend luksovych smartfonaŭ Caviar vypuściŭ i aśviaciŭ u carkvie załatyja iPhone 7 z vyhraviravanym na korpusie tekstam malitvaŭ «Ojča naš» i «Zbaŭ i ścieražy», uzory madelaŭ źjavilisia na sajcie kampanii.
Dva pieršyja telefony limitavanaj kalekcyi z 99 aparataŭ byli aśviečany ŭ Haradzieckim Fiodaraŭski mužčynskim manastyry: ich asabista błasłaviŭ i aśviaciŭ biskup Haradziecki i Viatłužski Aŭhuścin, paviedamlaje Znak.com sa spasyłkaj na pres-słužbu Caviar.
«Uładyku pakazali madeli, patłumačyli sutnaść kalekcyi. Nakolki ja viedaju, jamu spadabaŭsia dyzajn i jon jaho vysoka acaniŭ, pachvaliŭ. Jany parailisia, vyrašyli, što sprava dobraja, možna aśviacić. Jon dabrasłaviŭ u cełym hetuju kalekcyju. Z boku carkvy heta było absalutna bieskaryśliva i biaspłatna», —raspaviała pres-sakratar brenda Hanna Łobava.
Karpusy smartfonaŭ vykanany z sucelnaha zołata. Hraviroŭka ŭ vyhladzie ŭzoru naniesiena na zadniuju panel i bakavyja hrani. «Dyzajn telefona Caviar Credo «Zbaŭ i ścieražy» ŭvasablaje ŭ svaim pyšnym vobrazie vysokuju ideju ŭračystaści viery», — havorycca ŭ apisańni madeli. Abjomnyja hraviroŭki pakrytyja zołatam 999-j proby.
U dekory madeli «Ojča naš» vykarystany arnamientalnyja matyvy ratondy ŭ chramie Hroba Haspodniaha ŭ Ijerusalimie. Słovy malitvy vyhraviravany pa zołacie i apraŭlenyja ŭzoram. U dadatak da kožnaj madeli smartfonaŭ pradstaŭleny taksama hadzińnik Apple Watch. Košt smartfonaŭ — ad $3500.
Navinku ŭžo prakamientavaŭ protadyjakan Andrej Kurajeŭ. U efiry radyjostancyi «Hovorit Moskva» jon patłumačyŭ, što
vypusk pazałočanych telefonaŭ z vyhraviravanymi malitvami — heta kapryz pradprymalnikaŭ, i carkvie nie prystała jamu sastupać. Pavodle jaho słoŭ, heta nie taja reč, jakaja nieabchodnaja chryścijaninu, i jana pryznačana, kab vychvalacca svajoj zamožnaściu i svajoj pabožnaściu.
«Tym bolš telefony (asabliva mužčyny) nosiać u zadnich kišeniach svaich štanoŭ. Sa śviatym tekstam heta nie zusim darečy», — pieraściaroh Kurajeŭ.
Kampanija Caviar zasnavana italjanskim juvieliram Ilijoj Džakamieci. Pieršy dekaravany smartfon pradstavili ŭ 2001 hodzie.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»21
Kamientary