Распачата крымінальная справа ў дачыненні да 25-гадовай мінчанкі, якая ўжо адбывае пакаранне ў калоніі за абарот наркотыкаў. Зараз яе падазраюць у вярбоўцы дзяўчат для занятку прастытуцыяй на Кіпры. Падрабязнасці паведамляе ГУУС Мінгарвыканкама.
Нагадаем, мінчанка адбывае 12 гадоў за абарот наркотыкаў — у верасні 2016 у яе багажы з Кіпра знайшлі некалькі таблетак экстазі. Тады ж паведамлялі, што правяраюць яе дачыненне да іншых злачынстваў.
Па версіі міліцыі, мінчанка ўгаварыла і спрабавала вывезці ў горад Эркан (Паўночны Кіпр) для занятку прастытуцыяй 28-гадовую мінчанку.
— Устаноўлена, што дзяўчына разам са сваімі змоўцамі з Беларусі, Расіі і Украіны завербавала яшчэ больш за 10 беларусак, а таксама грамадзянак Лівана, Малдовы, Казахстана, Украіны, Расіі, — кажуць у прэс-службе ГУУС.
Сама фігурантка нібыта паведамляла дзяўчатам, што працуе на Кіпры ў начным клубе, дзе добра зарабляе.
— Казала, што яе «працадаўца» крэдытуе авіябілеты ў абодва бакі, штотыднёвы медыцынскі кантроль, харчаванне, пражыванне. Адным з важных умоў была неабходнасць выплаціць клубу доўг - 3000 даляраў. Прыкладна столькі першапачаткова кіраўніцтва клуба нібыта траціць на дзяўчыну. (…) Выплаты доўгу пачыналіся толькі пасля таго, як дзяўчына прыступіць да «працы» і прапрацуе некаторы час. Да выплаты гэтага доўгу нельга было адмовіцца ад заняткі прастытуцыяй і пакінуць клуб. У выпадку адмовы дзяўчат штрафавалі (сумы даходзілі да 1000 даляраў), пагражалі прымяніць фізічную сілу, запалохвалі дэпартацыяй, - кажуць праваахоўнікі.
Паведамляецца, што дзяўчат схілялі да прастытуцыі нават калі першапачаткова агаворвалася, што яны будуць толькі танчыць у клубе.
— У спіртныя напоі дзяўчат падмешвалі наркотыкі, каб здушыць іх волю да супраціву. (…) За адну ноч магло даходзіць да 10 кліентаў. Прадугледжваліся выезды на вілы і ў іншыя гатэлі, — паведамляе міліцыя.
Родныя некаторых дзяўчат абвясцілі іх у вышук. Зараз беларускі вярнуліся на радзіму.
У дачыненні да фігурантка заведзена крымінальная справа за арганізацыю і выкарыстанне занятку прастытуцыяй, а таксама стварэнне ўмоў для занятку прастытуцыяй. Дзеянні яе імаверных змоўшчыкаў цяпер вывучаюць праваахоўнікі і следчыя.
Каментары