Кіраўнік аддзела амерыканскіх адносін у МЗС КНДР Чо Сон Ху не выключыла магчымасць дыялогу Пхеньяна і Вашынгтона, калі для гэтага будуць створаныя спрыяльныя ўмовы. Пра гэта яна паведаміла журналістам у аэрапорце Пекіна, паведамляюць інфармагенцтвы са спасылкай на Yonhap.
«Мы правядзем дыялог пры належных умовах», — прыводзіць агенцтва яе словы. Адзначаецца, што Чо Сон Ху вярталася ў Пхеньян з Нарвегіі пасля сустрэчы з групай амерыканскіх экспертаў.
Як раней паведамляла агенцтва Кyodo, прэзідэнт ЗША Дональд Трамп выказваў гатоўнасць сустрэцца з лідарам КНДР Кім Чэн Ынам, калі Пхеньян адмовіцца ад сваёй ракетна-ядзернай праграмы. Спасылаючыся на дасведчаныя дыпламатычныя крыніцы, агенцтва падкрэслівала, што адпаведная пазіцыя адміністрацыі ЗША была агучана Кітаю.
Новая амерыканская адміністрацыя ўжо неаднаразова агучвала жорсткую пазіцыю ў дачыненні да КНДР, падкрэсліваючы, што «ўсе варыянты дзеянняў, у тым ліку ваенны, застаюцца на стале». Сітуацыя на Карэйскім паўвостраве абвастрылася ў пачатку мінулага года, калі Пхеньян правёў ядзернае выпрабаванне і пазней запусціў балістычную ракету са штучным спадарожнікам Зямлі. У верасні 2016 года КНДР правяла яшчэ адно ядзернае выпрабаванне, а на працягу года зрабіла больш за 20 ракетных пускаў.
У красавіку КНДР зрабіла яшчэ некалькі ракетных запускаў, апошні, 28 красавіка, быў зроблены праз некалькі гадзін пасля заканчэння спецыяльнага пасяджэння Савета Бяспекі ААН, прысвечанага сітуацыі на Карэйскім паўвостраве.
Цяпер чытаюць
Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»3
Каментары