У Instagram цяпер можна прымяраць маскі і здымаць зваротныя відэа
Instagram прэзентаваў шэраг новаўвядзенняў для свайго раздзелу «Гісторыі». Цяпер карыстальнікі змогуць дадаваць у гісторыі хэштэгі, прымяраць на сябе розныя маскі, карыстацца гумкай і здымаць відэа ў зваротным кірунку.
Сёння папулярная сацыяльная сетка Instagram выпусціла новае абнаўленне. Галоўным новаўвядзеннем стала магчымасць прымяраць розныя маскі проста ў «гісторыях». Раней, каб дадаць фота або відэа з маскай, карыстальнікі часцей за ўсё карысталіся Snapchat, а потым ужо загружалі кантэнт у Instagram. Цяпер жа пацешныя парыкі і пыскі жывёл можна прымяраць непасрэдна ў Instagram. Каб актываваць функцыю, трэба ўсяго толькі націснуць на спецыяльны значок у правым ніжнім куце, пасля чаго ўнізе з'явіцца стужка з маскамі. Іх можна будзе выкарыстоўваць у любым рэжыме ў раздзеле «Гісторыі» як з выкарыстаннем франтальнай, так і асноўнай камеры.
Яшчэ адной навінкай стала магчымасць здымаць зваротныя відэа. Гэта значыць, ісці відэаролік будзе не ў знятым парадку, а з канца ў пачатак. Таксама з'явілася магчымасць дадання да «гісторый» унікальных хэштэгаў, перайшоўшы па якім, карыстальнік убачыць звязаныя запісы. Ну і, нарэшце, у рэжыме малявання з'явілася гумка. Каб пазбавіцца ад нечага напісанага або намаляванага, цяпер не трэба адмяняць дзеянне або цалкам усё выдаляць.
Скарыстацца новымі магчымасцямі можна будзе адразу пасля абнаўлення Instagram да новай версіі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары