Прэзідэнт ЗША Дональд Трамп у пачатку свайго першага прэзідэнцкага візіту ў Ізраіль заявіў, што ў блізкаўсходніх лідараў з'явілася «рэдкая магчымасць» стабілізаваць рэгіён.
Трамп падчас візіту правядзе перамовы з прэм'ерам Ізраіля Біньямінам Нетаньяху і з палесцінскім лідарам Махмудам Абасам.
«Падчас майго першага замежнага візіту ў якасці прэзідэнта я ступіў на гэтую старажытную і святую зямлю, каб умацаваць непарыўную сувязь паміж Злучанымі Штатамі Амерыкі і дзяржавай Ізраіль», — заявіў Трамп, спусціўшыся з прэзідэнцкага самалёта ў аэрапорце Тэль-Авіва, дзе яго сустрэў ізраільскі прэм'ер.
«Перад намі рэдкая магчымасць прынесці бяспеку і стабільнасць людзям гэтага рэгіёну, перамагчы тэрарызм і стварыць будучыню, поўную гармоніі, росквіту і шчасця. Але мы можам дасягнуць гэтага, толькі калі будзем працаваць разам. Іншага шляху няма», — заявіў амерыканскі прэзідэнт.
Біньямін Нетаньяху ў сваёй вітальнай прамове таксама выказаў надзею, што візіт Трампа стане пачаткам «шляху да прымірэння» у рэгіёне.
Візіт Трампа ў Ізраіль - частка яго першага замежнага турнэ ў якасці прэзідэнта ЗША.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою23
Каментары