Футбалісты «Дняпра» па дарозе на матч дапамаглі пацярпелым у ДТЗ коштам спазнення
Футбалісты клуба «Дняпро» па дарозе на гульню са «Слуцкам» сталі сведкамі сур’ёзнага ДТЗ і дапамаглі пацярпелым. 1 ліпеня яны ехалі аўтобусам і на 47 кіламетры трасы Магілёў — Бабруйск літаральна на вачах у каманды аўтамабіль «Опель» зляцеў з дарогі, трапіў у кювет і сутыкнуўся з дрэвам.
У машыне было тры чалавекі — яны падарожнічалі з Санкт-Пецярбурга ў Бабруйск. Гульцы «Дняпра» дапамаглі людзям выбрацца з машыны, кіроўца клубнага аўтобуса Віктар Цецерукоў патушыў узгаранне, якое ўзнікла пад капотам легкавіка, а доктар каманды Васіль Трус аказаў пацярпелым першую дапамогу.
Каманда дачакалася прыезду хуткай, дапамагла перанесці туды пацярпелых і толькі потым працягнула сваю дарогу на матч у Слуцк, паведамляе прэс-служба ФК «Дняпро».
У выніку магілёўцы прыехалі на гульню меней чым за гадзіну да яе пачатку. На жаль, матч скончыўся для іх паразай 0:1.
Цяпер чытаюць
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары