Расіянін Віктар Агееў, які трапіў у палон у Луганскай вобласці на ўсходзе Украіны, распавёў у інтэрв'ю ўкраінскаму тэлеканалу ТСН, што ён — расійскі вайсковец. Агееў сказаў, што ў сакавіку 2017 года ён падпісаў кантракт у Растоўскай вобласці, і назваў нумар сваёй вайсковай часці.
Па словах Агеева, ён з'яўляецца ваеннаслужачым вайсковай часці 65246, размешчанай у Новачаркаску. У першым інтэрв'ю пасля затрымання ён заявіў, што прыехаў у Растоўскую вобласць у сакавіку 2017 года і падпісаў кантракт, не ўдакладніўшы дэталяў.
Першай аб затрыманні Віктара Агеева 27 чэрвеня паведаміла Руская служба Бі-бі-сі са спасылкай на суразмоўцаў ва ўкраінскім міністэрстве абароны і камандаванні 93-й асобнай механізаванай брыгады ўзброеных сіл Украіны.
Маці Віктара Агеева, яго сябры і былыя калегі пацвердзілі, што пасля тэрміновай службы той застаўся служыць у войску па кантракце, які падпісаў у сакавіку 2017 года. Нумар вайсковай часткі - 65246 - называлі двое былых таварышаў па службе Агеева.
Міністэрства абароны Расіі адмаўляла, што ў Луганскай вобласці быў узяты ў палон дзейны расійскі вайсковец. У ведамстве заявілі, што Агееў быў звольнены ў запас у маі мінулага года, а на кантрактную службу не паступаў.
У інтэрв'ю ТСН Агееў распавёў, што прыехаў у Растоўскую вобласць у сакавіку 2017 года, прабыў у сваёй частцы чатыры дні, пасля чаго яго пераправілі ў Луганскую вобласць Украіны. Агееў дадаў, што ў яго няма інфармацыі, ці пасылалі ў Данбас па гэтай схеме іншых вайскоўцаў: «Я думаю, адпраўлялі. Можа быць і адпраўлялі, але не маім рэйсам».
Цяпер чытаюць
Сёння Мінск прачнуўся ўначы ад гучнага гука, падобнага да дрона9
Каментары