Тры гады ў калоніі ўзмоцненага рэжыму: вынесены прысуд «бацюшку са свастыкай»
Суд Заводскага раёна Мінска вынес прысуд Канстанціну Бурыкіну — праваслаўнаму святару з вёскі Гатава, які абвінавачваўся ў захоўванні зброі.
Суд прызнаў Бурыкіна вінаватым па двух артыкулах (захоўванне зброі) і прысудзіў да трох гадоў калоніі ўзмоцненага рэжыму, знаходжанне ў ізалятары (з лістапада 2016 года) залічыць у тэрмін: адзін дзень у ІЧУ — адзін дзень у калоніі.
Канстанціна Бурыкіна затрымалі пры канцы лістапада 2016 года, тады ён яшчэ дэ-факта ўзначальваў Федэрацыю паўэрліфтынгу Беларусі і быў бацюшкам у праваслаўным прыходзе вёскі Гатава пад Мінскам.
Бурыкін расказаў на судзе, што атрымаў тыя пісталеты, у захоўванні якіх яго вінавацілі, ад РНЕ (экстрэмісцкай арганізацыі, забароненай у Беларусі).
У РНЕ ён быў духаўніком, пра кантакты справаздачыўся мітрапаліту Філарэту.
Чытайце таксама: «Бацюшка са свастыкай» на судзе: пісталеты атрымаў ад РНЕ, пра кантакты з РНЕ даваў справаздачы Філарэту
На судзе Бурыкін казаў, што ўся крымінальная справа супраць яго — гэта вынікі паклёпаў асобных людзей з федэрацыі паўэрліфтынга, хаця ён, маўляў, тую федэрацыю «падняў з кален».
Праўда, удзячных спартоўцаў у зале суда не было.
Чытайце таксама: Суд над «бацюшкам са свастыкай»: прыёмны сын расказаў, як ездзілі ў лес страляць з пісталета
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі24
Каментары