Беларускія спартсмены заваявалі сем медалёў у першы тыдзень X Сусветных гульняў у польскім Вроцлаве, паведамляе карэспандэнт БелТА.
Уладальніцай золата ў спаборніцтвах вадналыжніц стала беларуска Наталля Берднікава. У падводным плаванні на дыстанцыі 100 м у біластах залатая ўзнагарода Сусветных гульняў дасталася беларусу Дзмітрыю Гаўрылаву, таксама ён стаў трэцім у аналагічным заплыве на 50 м.
У спаборніцтвах па мастацкай гімнастыцы два бронзавыя медалі ў актыве Кацярыны Галкінай — у практыкаваннях з мячом і стужкай. Спартыўныя акрабаты Артур Белякоў і Вольга Мельнік занялі другое месца сярод змяшаных пар. Яшчэ адно срэбра ўзялі Юлія Івончык, Вераніка Набокіна і Карына Сандовіч у групавых практыкаваннях акрабатак.
Сусветныя гульні праводзяцца раз на чатыры гады па відах спорту, якія не ўваходзяць у Алімпійскую праграму. Цяперашнія спаборніцтвы дзясятыя па ліку, у іх праграму ўключаны 37 спартыўных дысцыплін. Фінішуюць юбілейныя гульні 30 ліпеня.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары