У Мінску 2 жніўня ГЦ «Купалаўскі», Камароўскі і Курасоўшчынскі рынкі прапануюць пакупнікам тавары са зніжкай 20%, паведамілі ў галоўным упраўленні спажывецкага рынку Мінгарвыканкама.
На Камароўскім рынку ніжэй на 20% будуць цэны на гародніну і садавіну, зеляніну, мясныя паўфабрыкаты, малочную прадукцыю, спецыі, мяса птушкі і паўфабрыкаты з мяса птушкі, сухафрукты, арэхі, бакалейныя тавары, свежамарожаную рыбу. Танней таксама будуць кандытарскія і каўбасныя вырабы, салёнае сала, тавары для жывёл. Зніжка прадугледжаная на абедзеннае меню ў сталовай, каву на разліў, выпечку ўласнай вытворчасці.
Філіял «Курасоўшчынскі рынак» з 20-працэнтнай зніжкай рэалізуе гародніну і садавіну, сухафрукты, арэхі, адзенне, абутак, дзіцячыя цацкі.
Гандлёвы цэнтар «Купалаўскі» на 20% зніжае цэны на жаночую вопратку, сувеніры, парфумерна-касметычную прадукцыю, кнігі, цацкі, вырабы ўласнай вытворчасці.
Цяпер чытаюць
Бліжэйшым часам будуць вызвалены больш за 150 палітзняволеных36
Каментары