У Магілёве на прыпынку грамадскага транспарту па вуліцы Чалюскінцаў п'яны мужчына напаў з нажом на двух мінакоў. Прычынай стала адмова на прапанову выпіць разам. Міліцыю выклікала знаёмая пацярпелых мужчынаў.
38-гадовы раней судзімы магілёвец прапанаваў мужчынам і іх спадарожніцы скласці яму кампанію. Тыя адмовіліся, завязалася сварка. П'яны мужчына дастаў нож і ўдарыў аднаго з апанентаў у вобласць шыі, а другому нанёс удар у твар, паведаміў мясцоваму парталу mycity.by начальнік Кастрычніцкага РАУС Магілёва Аляксандр Сільвановіч.
Пацярпелыя — 26-гадовы магілёвец і яго 40-гадовы прыяцель, жыхар Магілёўскага раёна — былі дастаўлены ў бальніцу.
Зламысніка хутка затрымала міліцыя. У дачыненні да яго распачата крымінальная справа па артыкуле «Асабліва злоснае хуліганства». Мужчыну пагражае да 10 гадоў пазбаўлення волі.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads12
Каментары