Ілан Маск патлумачыў Пуціну, што гонка за штучным інтэлектам можа прывесці да трэцяй сусветнай вайны
На форуме «Праекторыя» прэзідэнт Расіі Уладзімір Пуцін сказаў, што, на яго думку, краіна, якая дамаглася лідарства ў стварэнні штучнага інтэлекту, «будзе ўладаром свету». Стваральнік Tesla і Falcon X Ілан Маск пракаментаваў словы прэзідэнта Расіі.
На форуме расійскі прэзідэнт сказаў, што, на ягоную думку, штучны інтэлект — гэта будучыня не толькі Расіі, а будучыня ўсяго чалавецтва. Штучны інтэлект адкрывае каласальныя магчымасці і цяжка прагназуемыя сёння пагрозы.
«І той, хто стане лідарам у гэтай сферы, будзе ўладаром свету», — дадаў Пуцін.
Гэтыя словы Маск пракаментаваў у сябе ў твітэры наступным чынам:
«Хутка ўслед за Кітаем і Расіяй усе краіны будуць выхваляцца сваёй камп'ютарнай моцай. Канкурэнцыя за першынство ў вобласці штучнага інтэлекту на нацыянальным узроўні, хутчэй за ўсё, стане прычынай трэцяй сусветнай вайны».
«Вельмі б не хацелася, каб гэтая манаполія [на штучны інтэлект] была засяроджаная ў чыіхсьці канкрэтных руках», — сказаў Пуцін у той жа прамове, як бы адказваючы на засцярогу Маска.
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары