Расійскія СМІ паведамляюць, што ў Смаленскай вобласці асуджаны грамадзянін Беларусі, які спрабаваў даць хабар супрацоўніку ФСБ Расіі. Беларус з’яўляецца дырэктарам камерцыйнай кампаніі, якая займаецца перавозкамі. У Расію яны везлі яблыкі з Еўрасаюза, які падпадаюць пад расійскія санкцыі.
Аднак у дакументах на перавозку значыліся зусім не яблыкі, а вінны газаваны напой, які ўвозіць у Расію можна. У выніку фуру затрымалі недалёка ад трасы М-1 «Масква — Брэст». Дырэктар, калі даведаўся пра затрыманне, прапанаваў супрацоўнікам ФСБ хабар у памеры 10 тысяч еўра. Праз некалькі дзён беларус быў затрыманы расійскімі сілавікамі пры спробе дачы хабару. У выніку ён ва ўсім прызнаўся.
У выніку грамадзянін Беларусі асуджаны па артыкуле 291 ч.4 КК РФ («Дача хабару ў буйным памеры). Суд прысудзіў яму штраф у памеры 1 мільёна расійскіх рублёў. Гэта каля 35 тысяч беларускіх рублёў.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары