Сёння з'явілася інфармацыя пра тое, што кіраўнік ЗША Дональд Трамп і прэзідэнт РФ Уладзімір Пуцін каротка перамовіліся падчас саміту Азіяцка-Ціхаакіянскага эканамічнага супрацоўніцтва. Пазней Трамп расказаў журналістам, пра што была тая размова.
Трамп чарговы раз спытаў у Пуціна, ці ўмешвалася Расія ў прэзідэнцкія выбары ў ЗША.
«Ён сказаў, што ён не ўмешваўся. Я спытаў у яго зноў… Ён сказаў, што ён зусім не ўмешваўся ў нашыя выбары, — цытуе Трампа axios.com. — Кожны раз, калі ён бачыць мяне, ён кажа: «Я не рабіў гэтага», і я сапраўды лічу, што, калі ён кажа мне, ён верыць у гэта. Я думаю, што ён вельмі абражаны гэтым, што не вельмі добра для нашай краіны».
У студзені спецслужбы ЗША заявілі, што Расія ўмешвалася ў выбарчую кампанію ў 2016 годзе. Цяпер ідзе расследаванне, выстаўленыя першыя абвінавачанні.
Каментары