Прэзідэнт Зімбабвэ Роберт Мугабэ сышоў у адстаўку, пра гэта паведаміў спікер парламента, дзе праходзілі слуханні аб імпічменце 93-гадовага кіраўніка дзяржавы, перадае Reuters.
BREAKING: Zimbabwe's President Mugabe resigns pic.twitter.com/Fx1MytrEX7
Спікер зачытаў зімбабвійскім парламентарыям ліст Роберта Мугабэ, у якім той паведамляе пра «неадкладную і добраахвотную адстаўку. Пачуўшы гэта, парламентарыі пачалі апладзіраваць і танчыць, піша Associated Press.
Прашэнне Мугабэ аб адстаўцы ўступае ў сілу неадкладна, адзначаецца ў дакуменце.
Раней 21 лістапада парламент Зімбабвэ пачаў працэдуру імпічменту Роберта Мугабэ. 93-гадовага прэзідэнта абвінавацілі ў тым, што ён занадта стары, каб кіраваць краінай, а таксама ў тым, што ён дазволіў захапіць уладу ў Зімбабвэ сваёй жонцы Грэйс Мугабэ.
Нагадаем, што 15 лістапада група вайскоўцаў з найвышэйшага камандавання арміі Зімбабвэ захапіла ўладу ў краіне і пасадзіла прэзідэнта Роберта Мугабэ пад хатні арышт. Гэта адбылося неўзабаве пасля адстаўкі віцэ-прэзідэнта Эмерсана Мнангагвы, якога называлі адным з двух імаверных пераемнікаў Мугабэ. Другім лічылася жонка прэзідэнта Грэйс Мугабэ.
93-гадовы Мугабэ кіраваў Зімбабвэ з 1980 года. За 37 гадоў яго праўлення эканоміка краіны прыйшла ў заняпад, а сам ён ператварыўся ў аднаго з самых пазнавальных дыктатараў у свеце.
Навіна пра адстаўку Мугабэ выклікала бурную радасць зімбабвійцаў: людзі танцуюць на вуліцах.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары