Па словах Галко, на яго завялі крымінальную справу аб збіцці міліцыянта.
Нагадаем, што праблемы з міліцыяй пачаліся ў журналіста пасля святкавання Дня народзінаў сына ад мінулага шлюба. У кватэры было 17 падлеткаў і адзін дарослы — Дзмітрый Галко. Па яго версіі, невядома хто выклікаў міліцыю, якая без дазволу ўвайшла ў кватэру. Затым, сцвярджае Галко, ён дакрануўся да ўчастковага, але той скруціў журналіста, яго разам з сынам адвезлі ў міліцыю. Некалькі падлеткаў таксама затрымалі, іншыя разбегліся. Некалькі чалавек выскачылі з вакна 2 паверху, адзін зламаў нагу, другі — хрыбет.
Па версіі міліцыі, участковы сам заўважыў дзяцей на балконе — яны гучна лаяліся матам — і вырашыў зайсці. Там яму адкрыў п’яны мужчына, дзеці ў кватэры таксама распівалі спіртное. Мужчына — Дзмітры Галко — пачаў хапаць участковага за рукі, некалькі ўдараў нанёс яго сын, сцвярджаюць міліцыянты. За гэта бацьку і сына і затрымалі.
Пасля Дзмітрыю Галко далі штраф дзве базавыя за лаянку матам. Але трохі пазней журналіст паведаміў у сваім фэйсбуку, што на яго завялі справу аб збіцці міліцыянта. У выніку ён вырашыў з’ехаць ва Украіну, дзе жыве яго цяперашняя жонка з малым сынам. 15-гадовы Галко-малодшы таксама з’ехаў разам з бацькам.
***
На тэлеграм-канал «Нашай Нівы» можна падпісацца тут.
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў18
Каментары