Камісія МАК вызначыць поўны спіс расійскіх спартсменаў, якія прымуць удзел у зімовай Алімпіядзе-2018 ў Пхёнчхане, не пазней за 28 студзеня, паведамляе афіцыйны сайт МАК. Расіяне выступяць на Гульнях пад нейтральным сцягам.
Створаныя дзве адпаведныя камісіі МАК.
Адна з іх вызначыць папярэдні спіс расійскіх удзельнікаў Алімпіяды, другая — вызначыць канчатковы склад расійскай дэлегацыі. Яе члены не змогуць дадаваць да папярэдняга спісу дадатковыя прозвішчы, але атрымаюць права адмовіць асобным спартсменам у допуску на Алімпіяду.
Расійскія спартсмены змогуць выступіць на Гульнях у Пхёнчхане толькі пад нейтральным сцягам. У адрозненне ад звычайнай практыкі, яны атрымаюць статус «Алімпійскі спартсмен з Расіі» (звычайна для нейтральных спартсменаў не ўказваецца краіна паходжання). На Алімпіядзе не будзе выконвацца расійскі гімн у выпадку перамогі спартсменаў з Расіі, а таксама не будзе расійскага сцяга.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні44
Каментары