Каця Цікота ўпала з дзіцём і ні адзін мужчына не дапамог: Яны проста глядзелі
Дызайнерка Каця Цікота напісала ў фэйсбуку пост прыкрасці. Калі ў цэнтры Мінска яна паслізнулася і ўпала на лёд з дзіцём у слінгу, ні адзін чалавек, які бачыў гэта, не дапамог маладой жанчыне падняцца.
Я, напэўна, жыву ў іншым свеце. Але часам успамінаю, што жыву ўсё ж у краіне з панурымі тварамі і жанчынападобнымі мужыкамі. Так, цяпер будзе не пазітыўны пост. Я не люблю, калі нешта адбываецца, а ўсе вакол робяць выгляд, што нічога не адбываецца. Але «гэта Беларусь, дзетка».
Сёння з Захарам выйшлі з дому ў студыю, але не паспелі прайсці і трох пад'ездаў, як я паслізнулася на 10-сантыметровым пласце лёду і… ўпала. З Захарам у слінгу, заплечнікам за спінай і авоськай на плячы. Я не скажу, што размазалася як аладка: я «грацыёзна» ўпала на калені з імгненнай думкай «толькі б утрымаць Захара». Усе цэлыя, усё добра, але я не адразу ўстала, ляжала некалькі секунд і спрабавала скаардынаваць апорныя пункты. Але я ўпала акурат насупраць машыны, у якой сядзеў мужчына. Не, ён не выйшаў. У машыне было нават дзіцячае аўтакрэсла, то бок чалавек ведае, што такое жанчына з дзіцём.
За 20 метраў ад мяне стаялі двое мужчын і курылі, але ніхто з іх не падышоў і нават не рушыў з месца. Усе яны проста глядзелі. Проста глядзелі.
І жывём мы ў цэнтры горада, дзе быццам бы гопнікаў няма. Апранутая я таксама добра: дызайнерскае паліто, капялюшык (гэта на тэму таго, каму дапамогуць раней: чалавеку, які ахайна апрануты, ці з сумніўным знешнім выглядам). І я была з дзіцём. Але ніхто не зварухнуўся. І гэта мяне напалохала. Напалохала як жанчыну.
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары