Прэс-служба «Формулы-1» заявіла пра тое, што на мерапрыемствы лігі больш не будуць запрашаць «грыд-гёрлз» — дзяўчат-мадэляў, якія з’яўляюцца на стартавай пляцоўцы гонкі. Рашэнне пачне дзейнічаць ад 25 сакавіка — падчас аўстралійскага гран-пры ў Мельбурне.
Кіраўнік фірмы «Формула-1» Шон Братчэс (Sean Bratches) патлумачыў адмову ад традыцыі, якая захоўвалася дзесяцігоддзямі тым, што яна «не рэзануе з каштоўнасцямі брэнда і супярэчыць сучасным сацыяльным нормам».
Грыд-гёрлз — дзяўчаты, якія на аўтагонках выводзяць пілотаў на стартавыя пазіцыі, трымаюць над удзельнікамі спаборніцтваў парасоны ад сонца, уручаюць узнагароды ды і проста ўпрыгожваюць сваім выглядам розныя аўташоу.
Гісторыя грыд-гёрлз пачалася ў Японіі ў 1969 годзе, калі тварам нафтавай кампаніі Cosmo Oil стала мадэль Раса Агава. З тых часоў грыд-гёрлз у Японіі — афіцыйная прафесія, уключаная ў закон аб занятасці.
Цяпер чытаюць
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары