Еўракамісія мае намер паскорыць перамовы аб уступленні ў ЕС з краінамі Заходніх Балкан. Было абвешчана аб мэтавай фінансавай падтрымцы шасці краін, а таксама аб узмацненні праектаў ў шасці ключавых галінах — ад пабудовы прававой дзяржавы і міграцыі да шырокапалоснай сувязі, паведамляе DW.
Пакуль найбольшыя шанцы на магчымае ўступленне ў Еўрасаюз да 2025 года маюць Сербія і Чарнагорыя, аднак астатнія чатыры дзяржавы - Боснія і Герцагавіна, Македонія, Албанія і Косава — яшчэ могуць іх дагнаць.
Македонія і Албанія таксама з'яўляюцца афіцыйнымі кандыдатамі, але канкрэтных перамоў з імі яшчэ не вядзецца. Еўракамісія выказала гатоўнасць падрыхтаваць рэкамендацыі для пачатку перамоўнага працэсу, як толькі будуць Скоп'е і Тырана выканаюць неабходныя ўмовы.
Косава і Боснія і Герцагавіна маюць статус «патэнцыйных кандыдатаў».
Назіральнікі бачаць у новай стратэгіі Еўракамісіі па далучэнні балканскіх дзяржаў адказ на спробы палітычнага ўплыву на краіны былой Югаславіі з боку Расіі, а таксама эканамічную актыўнасць Кітая ў рэгіёне, якая расце.
Для прыёму ў Еўрапейскі Саюз новых сябраў неабходна аднагалосная падтрымка цяперашніх дзяржаў ЕС. Аднак у многіх з іх насельніцтва выступае супраць далейшага пашырэння Еўрасаюза.
Цяпер чытаюць
У інтэрнэт злілі перапіску Кавалеўскага і Ціханоўскай. Але канцоў не знайсці1
Каментары