59-гадовага Аляксандра Яфімава затрымалі ў аэрапорце «Мінск». У яго было чатыры пашпарты: тры расійскія і адзін балгарскі. Мужчына чакаў вылету ў Вену. Цяпер Яфімаў пад вартай, яго чакае дэпартацыя ў Расію.
Яфімаў больш вядомы як крымінальны аўтарытэт «Фіма Лазеншчык». Ён нарадзіўся ў Пецярбургу, дзе працаваў буфетчыкам, а пасля — слесарам у лазні (адкуль і пайшла яго мянушка).
У канцы 1980-х Яфімаў падаўся ў кааператары, у 1990-х адкрыў ахоўнае агенцтва. Ён быў адным з лідараў тамбоўскай групіроўкі, плюс заўсёды меў добрыя кантакты сярод міліцыянтаў. Вядома, што ў 1995 «Фіму» хацелі забіць, стралялі з аўтамата, але Яфімава выратавала бронекамізэлька.
Таксама вядома, што «Фіма» грашыма падтрымліваў партыю Жырыноўскага ЛДПР, па чутках нават падарыў яе лідару дарагую машыну.
У канцы 90-х Яфімава асудзілі на 5,5 гадоў за вымагальніцтва, але выпусцілі на 2 гады раней за «добрыя паводзіны».
Цяпер на Яфімава ў Расіі завялі новую крымінальную справу. Падрабязнасці справы не агалошваюцца.
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары