59-hadovaha Alaksandra Jafimava zatrymali ŭ aeraporcie «Minsk». U jaho było čatyry pašparty: try rasijskija i adzin bałharski. Mužčyna čakaŭ vyletu ŭ Vienu. Ciapier Jafimaŭ pad vartaj, jaho čakaje departacyja ŭ Rasiju.
Jafimaŭ bolš viadomy jak kryminalny aŭtarytet «Fima Łazienščyk». Jon naradziŭsia ŭ Pieciarburhu, dzie pracavaŭ bufietčykam, a paśla — ślesaram u łaźni (adkul i pajšła jaho mianuška).
U kancy 1980-ch Jafimaŭ padaŭsia ŭ kaapieratary, u 1990-ch adkryŭ achoŭnaje ahienctva. Jon byŭ adnym ź lidaraŭ tamboŭskaj hrupiroŭki, plus zaŭsiody mieŭ dobryja kantakty siarod milicyjantaŭ. Viadoma, što ŭ 1995 «Fimu» chacieli zabić, stralali z aŭtamata, ale Jafimava vyratavała broniekamizelka.
Taksama viadoma, što «Fima» hrašyma padtrymlivaŭ partyju Žyrynoŭskaha ŁDPR, pa čutkach navat padaryŭ jaje lidaru darahuju mašynu.
U kancy 90-ch Jafimava asudzili na 5,5 hadoŭ za vymahalnictva, ale vypuścili na 2 hady raniej za «dobryja pavodziny».
Ciapier na Jafimava ŭ Rasii zaviali novuju kryminalnuju spravu. Padrabiaznaści spravy nie ahałošvajucca.
Kamientary