Слоганам выбарчай кампаніі 2020 года прэзідэнта ЗША Дональда Трампа стане фраза «Захаваем Амерыку вялікай!» (Keep America Great!), заявіў кіраўнік дзяржавы, выступаючы перад сваімі прыхільнікамі ў Пітсбургу. Пра гэта паведамляе тэлеканал CNN.
«Наш, не мой — мы каманда — наш новы слоган», — патлумачыў Трамп сваім прыхільнікам. Ён адзначыў, што яго ўдзел у выбарах у лістападзе 2020 года — гэта «меркаванне». «У гэтым я амаль упэўнены, але нельга быць упэўненым на 100%, — дадаў прэзідэнт ЗША, — «Я не люблю заходзіць занадта далёка наперад, але давайце выкажам здагадку, што ўсё будзе ісці так, як ідзе».
«Калі мы пачнем кампанію праз два гады, можаце ў гэта паверыць, нашым слоганам будзе «Захаваем Амерыку вялікай. Клічнік»,— заявіў Трамп. Ён адзначыў, што стары слоган «Зробім Амерыку вялікай» нельга будзе выкарыстоўваць на наступных выбарах, бо «я ўжо гэта зрабіў».
Цяпер чытаюць
Палітвязень расказаў, як звычайныя крымінальнікі аб’явілі галадоўку, каб палепшыць умовы ўтрымання палітычных3
Каментары