Прэм'ер-міністр Славакіі Роберт Фіцо заявіў, што гатовы сысці ў адстаўку з-за палітычнага крызісу, які ўзнік пасля забойства журналіста Яна Куцяка і яго нявесты, паведамляе Aktuality.
«Сёння я наведаў прэзідэнта Андрэя Кіску і паведаміў яму, што я гатовы сысці ў адстаўку», — сказаў Фіца.
Аднак ён паставіў тры ўмовы сваёй адстаўкі: пасада прэм'ер-міністра павінна застацца за партыяй Smer, якую ўзначальвае Фіца, прэзідэнт абяцае паважаць кааліцыйнае пагадненне і паважаць вынікі выбараў 2016 года.
Пытанне адстаўкі кіраўніка ўрада Славакіі канчаткова вырашыцца ў чацвер, 15 сакавіка.
Фіцо ўзначаліў кааліцыйны ўрад пасля выбараў ў 2016 годзе.
На выходных дзясяткі тысяч славакаў выйшлі на вуліцы гарадоў краіны і за мяжой з-за забойства журналіста-даследчыка Яна Куцяка. Пратэстоўцы прыйшлі таксама пад будынак парламента і ўрада і патрабавалі адстаўкі прэм'ера Роберта Фіца.
Туск заявіў пра гатоўнасць адкрыць Баброўнікі і Кузніцу з лістапада63
Каментары