Памежнікі не прапусцілі ў Літву з Беларусі цягач з расійскімі нумарамі з радыеактыўным грузам — будаўнічымі матэрыяламі, узровень радыяцыі якіх у 7,5 разоў перавышаў норму. Былыя ва ўжыванні цэглу і блокі транзітам праз Літву планавалася везці ў Германію, піша DELFI.
У Салечнікі з Беларусі прыбыў цягач Volvo з паўпрычэпам Schmitz, ён праязджаў праз усталяванае на КПП стацыянарнае абсталяванне для вымярэння іанізуючага выпраменьвання. Абсталяванне зафіксавала перавышэнне дапушчальнай нормы.
І на цягачы і на паўпрычэпе былі расійскія нумары. Цягачом кіраваў 24-гадовы грамадзянін Беларусі. Асабістыя дакументы і дакументы на машыну ў яго былі ў парадку. У паўпрычэпе знаходзіліся былыя ў карыстанні будаўнічыя матэрыялы: цэгла і блокі. Іх везлі ў Германію.
Узровень радыяцыі будаўнічых матэрыялаў склаў 1,5 мікразіверта за гадзіну. Дапушчальны фон складае 0,2 мікразіверта за гадзіну. Памежнікі выявілі крыніцу выпраменьвання — гэта ізатоп Радый-226.
Літоўскія памежнікі не далі цягачу праехаць у Літву. Яго вярнулі ў Беларусь.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары