Улады Беларусі плануюць аднавіць перамовы з Расіяй наконт газу пасля фармавання Масквой новага ўрада. Пра гэта паведаміў ТАСС віцэ-прэм'ер беларускага ўрада Уладзімір Сямашка ў кулуарах Краснаярскага эканамічнага форуму.
«Чакаем фарміравання (новага ўрада РФ пасля інаўгурацыі прэзідэнта 7 мая), зразумела па-чалавечы чаму так адбываецца», - сказаў ён. «Гэта, безумоўна, гэта абавязковая ўмова», - заявіў Сямашка, адказваючы на пытанне, ці чакае Мінск фармавання новага ўрада РФ для аднаўлення перамоў па газе.
Ён таксама дадаў, што абмяркуе дату перамоваў са сваім расійскім калегам Аркадзе Дварковічам 13 красавіка.
«Размова будзе кароткай — калі адновяцца газавыя перамовы», - сказаў ён. Сямашка адзначыў, што запланаваныя для абмеркавання і іншыя тэмы, якія тычацца эканамічнага супрацоўніцтва Расіі і Беларусі, але ў рамках трыццаціхвіліннай сустрэчы падрабязна спыніцца на кожным пытанні не атрымаецца.
Сямашка таксама дадаў, што Беларусь чакае пастаўкі нафты з РФ у 2018 годзе ў аб'ёме 18 млн тон.
«У нас у балансе запісана 24 (млн тон), але там ёсць розныя схемы. Рэальна 18 млн тон мы атрымаем, перапрацуем, нас гэта цалкам задавальняе ў гэтым годзе», - сказаў ён
Каментары