Рада Бяспекі ААН адхіліла расійскую рэзалюцыю, у якой асуджаліся ўдары ЗША, Вялікабрытаніі і Францыі па Сірыі. Пра гэта паведамляе Reuters.
Рэзалюцыя была адхіленая большасцю галасоў пастаянных і непастаянных членаў Рады бяспекі. У падтрымку праекта дакумента прагаласавалі толькі Расія, Кітай і Балівія. Галасы супраць падалі восем краін, чатыры дзяржавы ўстрымаліся.
Паводле правіл галасавання для прыняцця рэзалюцыі патрабуецца не менш за дзевяць галасоў пры адсутнасці вета з боку пастаянных членаў Рады бяспекі.
Праект рэзалюцыі быў падрыхтаваны Расіяй, скліканы адмысловы сход Рады Бяспекі пасля начных удараў па Сірыі. У праекце рэзалюцыі было асуджэнне «агрэсіі ў дачыненні да Сірыі з боку ЗША і іх саюзнікаў». Акрамя таго, у дакуменце прапаноўвалася «неадкладна спыніць агрэсію ў дачыненні да Сірыі, а таксама ўстрымацца ад далейшага выкарыстання сілы ў парушэнне Статута ААН і міжнароднага права».
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары