Прэзыдэнт Гурбангулы Бердымухамедаў выдаў пастанову пра стварэньне спэцыяльнай камісіі, якая будзе рэгуляваць дзейнасьць пісьменьнікаў, сцэнарыстаў, рэжысёраў ды даваць дазвол на друк твораў і пастаноўку спэктакляў.
Прэзыдэнт Рэспублікі Туркмэністан Гурбангулы Бердымухамедаў выдаў пастанову пра стварэньне спэцыяльнай камісіі, што будзе рэгуляваць дзейнасьць пісьменьнікаў, сцэнарыстаў і рэжысёраў.
У пастанове, надрукаванай у туркменскай прэсе 22 кастрычніка, у прыватнасьці гаворыцца:
«
У мэтах забесьпячэньня больш высокага мастацкага ўзроўню і глыбініствараемых кінасцэнараў, п’ес, раманаў, аповесьцей, буйных паэм, закліканых адлюстраваць маштабныя ператварэньні эпохі новага Адраджэньня, а таксама грамадзкія і чалавечыя ўзаемаадносіны, нацыянальныя традыцыі і абрады, чалавечыя характары і лёсы, прэзыдэнт Турменістана падпісаў пастанову, згодна зь якой пры Кабінеце міністраў створаны і зацьверджаны склад дзяржаўнай камісіі па ацэнцы мастацкага ўзроўню гэтых твораў.
Камісія надзяляецца правам ацэньваць мастацкі ўзровень адпаведных творчых прац і выдаваць дазвол на іх публікацыю, сцэнічную пастаноўку, правядзеньне здымак».
Бі‑Бі‑Сі адзначае, што разгубленая гэтай пастановай туркменская інтэлігенцыя кажа пра канец адлігі ў краіне.
«Многія, ды амаль усе, лічылі пачатак кіраваньня Бердымухамедава кшталту адлігі, што была ў СССР у 1960‑ыя. Але паступова гэтыя ілюзіі зьніклі, а апошняя пастанова дала ўсім зразумець, што пасьля адлігі наступілі замаразкі», — кажа мастак‑пастаноўшчык аднаго з тэатраў.
«Пасьля гэтага з краіны дакладна зьедуць тыя, хто здолеў вытрываць самыя цяжкія часы ніязаўскага цемрашальства.І няма надзеі на адраджэньне, усё мастацтва, таксама як і за Ніязавым, будзе замяняцца ідэалягічным сурагатам», — дадае ён.
Адзін зь пісьменьнікаў падкрэсьліў, што што стварэньне такой камісіі ставіць крыж на чаканьнях перамен усёй творчай інтэлігенцыяй.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце3
Каментары