Восем рэчаў, якія, хутчэй за ўсё, адбудуцца ў дзявятым туры чэмпіянату Беларусі па футболе

Разам з Букмекерскай канторай Марафон мы працягваем сачыць за чэмпіянатам Беларусі!

БАТЭ працягвае біць рэкорды. Восем тураў — восем перамог. Не хацелася, каб інтрыга ў барацьбе за чэмпіёнства памірала так рана, але вось такая футбольная сэ ля ві. Нават мінскае «Дынама» не змагло спыніць барысаўскую машыну і адстала на сем ачкоў.

Павялічыць

«Гомель» трэцім пасля «Шахцёра» і брэсцкага «Дынама» звольніў галоўнага трэнера. Пасаг Вячаслава Герашчанкі — нуль перамог і ўсяго два забітыя мячы.

Паспрабуем прадказаць, што адбудзецца ў наступным туры роднага першынства.

«Мінск» працягне сваю незайздросную серыю

Ведаеце, калі апошні раз перамагаў «Мінск» у вышэйшай лізе? У жніўні мінулага года! Тая вікторыя над БАТЭ яшчэ не аднойчы адгуквалася напрыканцы мінулага года з-за «справы Верамко».

«Тарпеда», здавалася б, прыдатны супернік для таго, каб перарваць мінорную серыю. У саміх шэсць тураў без вікторый і, больш за тое, без забітых мячоў. Але козыр «аўтазаводцаў» — у моцнай абароне, таму шанцаў на перамогу ў падначаленых Аляксандра Лухвіча вельмі мала.

• «Мінск» — «Тарпеда-Мінск»
• 26 мая, 17:30. Стадыён ФК «Мінск»
• Каэфіцыенты: «Мінск» (перамога) — 2.16, нічыя — 2.82 «Тарпеда» (перамога) — 4.05
• Прагноз «НН»: тотал меншы за 2,5

Не атрымліваецца з БАТЭ — атрымаецца са «Смалявічамі»

Сяргей Гурэнка мае вялікі досвед на трэнерскай ніве, але так і не можа пахваліцца перамогай над БАТЭ. 10 матчаў — і только дзве нічые ў кішэні. 

Вялікая імавернасць таго, што атрымаецца з іншай камандай з жоўта-сінімі элементамі ў лагатыпе. «Смалявічы» хоць і сталі больш-менш стабільна набіраць ачкі, але назваць іх сур'ёзнай сілай пакуль вельмі цяжка.

• «Смалявічы» — «Дынама-Мінск»
• 27 мая, 16:00. ФАК, а/г Кастрычніцкі
• Каэфіцыенты: «Смалявічы» (перамога) — 8.50, нічыя — 4.05, «Дынама-Мінск» (перамога) — 1.43
• Прагноз «НН»: тотал большы за 2,5

Змена трэнера ніяк не дапаможа «Гомелю» ў Салігорску

Заўзятары «Гомеля» трывалі вельмі доўга. Калі цярпенню прыйшоў канец, Вячаславу Герашчанку на ўвесь гомельскі «Цэнтральны» сказалі: «Сыходзь!» Той сыйшоў, а праблемы — не.

Аляксею Мяркулаву, які ўжо некалі кіраваў камандай, трэба нешта рабіць, але вось неспадзяванка — стартаваць трэба ў Салігорску, дзе мясцовы «Шахцёр» пры Сяргею Ташуеве не прайграе. Хутчэй за ўсё, не прайграе і гэтым разам.

• «Шахцёр» — «Гомель»
• 27 мая, 18:00. Салігорск, стадыён «Будаўнік»
• Каэфіцыенты: «Шахцёр» (перамога) — 1.30, нічыя — 4.80, «Гомель» (перамога) — 11.50
• Прагноз «НН»: перамога «Шахцёра»

«Гарадзея» застанецца на апошнім радку, нягледзячы на вяртанне Бояна Дубаіча

Вяртання сербскага форварда чакалі ўсе заўзятары «Гарадзеі». Дубаіч траўмаваўся падчас міжсезонкі і толькі ў мінулым туры вярнуўся на поле. Гэтая падзея, хоць і не дапамагла «цукровым» здабыць першую перамогу ў гэтым сезоне, але вярнула надзею на хуткі ўздым па турнірнай лесвіцы.

Павялічыць

Але не ўсё так проста. «Прамень», канечне, вельмі рады за заўзятараў «Гарадзеі», але ачкі аддаваць лёгка не збіраецца.

• «Прамень» — «Гарадзея»
• 27 мая, 19:45. Мінск, САК «Алімпійскі»
• Каэфіцыенты: «Прамень» (перамога) — 3.08, нічыя — 2.82, «Гарадзея» (перамога) — 2.60
• Прагноз «НН»: нічыя

Віталь Жукоўскі нарэшце не будзе скардзіцца

Коўч «Іслачы» вельмі камфортна сябе адчувае ў ролі самага эпатажнага трэнера вышэйшай лігі. З аднаго боку, ён заўсёды адкрыты да журналістаў, але з другога — стаў дазваляць сабе фразы, за якія прыходзіцца часам выбачацца.

Павялічыць

У наступнай сустрэчы БАТЭ сваёй гульнёй мусіць зняць любыя патэнцыйныя пытанні з боку трэнера супернікаў.

• БАТЭ — «Іслач»
• 28 мая, 18:45. «Барысаў-Арэна»
• Каэфіцыенты: БАТЭ (перамога) — 1.28, нічыя — 5.00, «Іслач» (перамога) — 12.00
• Прагноз «НН»: перамога БАТЭ

«Нёман» замацуецца на трэцім радку табліцы

Гродзенцы крыху пабуксавалі на старце чэмпіянату, але незаўважна апынуліся ў топе табліцы, дзелячы 3—4 радок са «Слуцкам».

Па выніках наступнага тура «Нёман» можа застацца ў адзіноце. Для гэтага трэба перамагаць «Тарпеда-БелАЗ». Будзе няпроста, але мы прагназуем перамогу гродзенцаў.

• «Нёман» — «Тарпеда-БелАЗ»
• 28 мая, 20:45. Гродна, ЦСК «Нёман»
• Каэфіцыенты: «Нёман» (перамога) — 3.22, нічыя — 2.82, «Тарпеда-БелАЗ» (перамога) — 2.51
• Прагноз «НН»: перамога «Нёмана»

Шмат галоў у Віцебску

І «Віцебск», і «Слуцк» ідуць у верхняй палове табліцы. Забіваюць нямала і даюць гуляць супернікам. 

«Слуцк» здолеў стрымаць дома брэсцкае «Дынама», а Яўген Шыкаўка атрымаў выклік у нацыянальную зборную. У «Віцебска» таксама ёсць каму забіваць і каму ствараць моманты, таму разлічваем на галы!

• «Віцебск» — «Слуцк»
• 29 мая, 18:45. Віцебск, ЦСК «Віцебскі»
• Каэфіцыенты: «Віцебск» (перамога) — 2.28, нічыя — 2.82, «Слуцк» (перамога) — 3.68
• Прагноз «НН»: тотал большы за 2,5

Брэсцкае «Дынама» ўспомніць, як перамагаць усухую

«Дынама» — вельмі дзіўны калектыў. Два трафеі ў сезоне, але няўдачы ў чэмпіянаце і слабая абарона. Запрашэнне Марадоны крыху адцягнула ўвагу ад праблем «вышкі», але не вырашыла іх.

З «Дняпром» берасцейцы ўжо гулялі ў паўфінале Кубка і не адчулі нейкага сур'ёзнага супраціву. Адважымся прадказаць, што матч чэмпіянату пройдзе па такім жа сцэнары.

• «Дынама-Брэст» — «Дняпро»
• 29 мая, 20:45. Брэст, ДАСК «Брэсцкі»
• Каэфіцыенты: «Дынама-Брэст» (перамога) — 1.28, нічыя — 5.00, «Дняпро» (перамога) — 12.00
• Прагноз «НН»: тотал большы за 2,5

Выберыце матч і абавязкова наведайце стадыён! А каб прагляд футболу быў больш цікавым, раім зрабіць стаўку ў Букмекерскай канторы Марафон!

• 0
• 0
• 0
• 0
• 0
• 0
• 0
• 0