Vosiem rečaŭ, jakija, chutčej za ŭsio, adbuducca ŭ dziaviatym tury čempijanatu Biełarusi pa futbole

Razam z Bukmiekierskaj kantoraj Marafon my praciahvajem sačyć za čempijanatam Biełarusi!

BATE praciahvaje bić rekordy. Vosiem turaŭ — vosiem pieramoh. Nie chaciełasia, kab intryha ŭ baraćbie za čempijonstva pamirała tak rana, ale voś takaja futbolnaja se la vi. Navat minskaje «Dynama» nie zmahło spynić barysaŭskuju mašynu i adstała na siem ačkoŭ.

Pavialičyć

«Homiel» trecim paśla «Šachciora» i bresckaha «Dynama» zvolniŭ hałoŭnaha treniera. Pasah Viačasłava Hieraščanki — nul pieramoh i ŭsiaho dva zabityja miačy.

Pasprabujem pradkazać, što adbudziecca ŭ nastupnym tury rodnaha pieršynstva.

«Minsk» praciahnie svaju niezajzdrosnuju sieryju

Viedajecie, kali apošni raz pieramahaŭ «Minsk» u vyšejšaj lizie? U žniŭni minułaha hoda! Taja viktoryja nad BATE jašče nie adnojčy adhukvałasia naprykancy minułaha hoda z-za «spravy Vieramko».

«Tarpieda», zdavałasia b, prydatny supiernik dla taho, kab pierarvać minornuju sieryju. U samich šeść turaŭ bieź viktoryj i, bolš za toje, biez zabitych miačoŭ. Ale kozyr «aŭtazavodcaŭ» — u mocnaj abaronie, tamu šancaŭ na pieramohu ŭ padnačalenych Alaksandra Łuchviča vielmi mała.

• «Minsk» — «Tarpieda-Minsk»
• 26 maja, 17:30. Stadyjon FK «Minsk»
• Kaeficyjenty: «Minsk» (pieramoha) — 2.16, ničyja — 2.82 «Tarpieda» (pieramoha) — 4.05
• Prahnoz «NN»: totał mienšy za 2,5

Nie atrymlivajecca z BATE — atrymajecca sa «Smalavičami»

Siarhiej Hurenka maje vialiki dośvied na trenierskaj nivie, ale tak i nie moža pachvalicca pieramohaj nad BATE. 10 matčaŭ — i tolko dźvie ničyje ŭ kišeni. 

Vialikaja imaviernaść taho, što atrymajecca ź inšaj kamandaj z žoŭta-sinimi elemientami ŭ łahatypie. «Smalavičy» choć i stali bolš-mienš stabilna nabirać ački, ale nazvać ich surjoznaj siłaj pakul vielmi ciažka.

• «Smalavičy» — «Dynama-Minsk»
• 27 maja, 16:00. FAK, a/h Kastryčnicki
• Kaeficyjenty: «Smalavičy» (pieramoha) — 8.50, ničyja — 4.05, «Dynama-Minsk» (pieramoha) — 1.43
• Prahnoz «NN»: totał bolšy za 2,5

Źmiena treniera nijak nie dapamoža «Homielu» ŭ Salihorsku

Zaŭziatary «Homiela» tryvali vielmi doŭha. Kali ciarpieńniu pryjšoŭ kaniec, Viačasłavu Hieraščanku na ŭvieś homielski «Centralny» skazali: «Sychodź!» Toj syjšoŭ, a prablemy — nie.

Alaksieju Miarkułavu, jaki ŭžo niekali kiravaŭ kamandaj, treba niešta rabić, ale voś niespadziavanka — startavać treba ŭ Salihorsku, dzie miascovy «Šachcior» pry Siarhieju Tašujevie nie prajhraje. Chutčej za ŭsio, nie prajhraje i hetym razam.

• «Šachcior» — «Homiel»
• 27 maja, 18:00. Salihorsk, stadyjon «Budaŭnik»
• Kaeficyjenty: «Šachcior» (pieramoha) — 1.30, ničyja — 4.80, «Homiel» (pieramoha) — 11.50
• Prahnoz «NN»: pieramoha «Šachciora»

«Haradzieja» zastaniecca na apošnim radku, niahledziačy na viartańnie Bojana Dubaiča

Viartańnia sierbskaha forvarda čakali ŭsie zaŭziatary «Haradziei». Dubaič traŭmavaŭsia padčas mižsiezonki i tolki ŭ minułym tury viarnuŭsia na pole. Hetaja padzieja, choć i nie dapamahła «cukrovym» zdabyć pieršuju pieramohu ŭ hetym siezonie, ale viarnuła nadzieju na chutki ŭzdym pa turnirnaj leśvicy.

Pavialičyć

Ale nie ŭsio tak prosta. «Pramień», kaniečnie, vielmi rady za zaŭziataraŭ «Haradziei», ale ački addavać lohka nie źbirajecca.

• «Pramień» — «Haradzieja»
• 27 maja, 19:45. Minsk, SAK «Alimpijski»
• Kaeficyjenty: «Pramień» (pieramoha) — 3.08, ničyja — 2.82, «Haradzieja» (pieramoha) — 2.60
• Prahnoz «NN»: ničyja

Vital Žukoŭski narešcie nie budzie skardzicca

Koŭč «Isłačy» vielmi kamfortna siabie adčuvaje ŭ roli samaha epatažnaha treniera vyšejšaj lihi. Z adnaho boku, jon zaŭsiody adkryty da žurnalistaŭ, ale z druhoha — staŭ dazvalać sabie frazy, za jakija prychodzicca časam vybačacca.

Pavialičyć

U nastupnaj sustrečy BATE svajoj hulnioj musić źniać lubyja patencyjnyja pytańni z boku treniera supiernikaŭ.

• BATE — «Isłač»
• 28 maja, 18:45. «Barysaŭ-Arena»
• Kaeficyjenty: BATE (pieramoha) — 1.28, ničyja — 5.00, «Isłač» (pieramoha) — 12.00
• Prahnoz «NN»: pieramoha BATE

«Nioman» zamacujecca na trecim radku tablicy

Hrodziency krychu pabuksavali na starcie čempijanatu, ale niezaŭvažna apynulisia ŭ topie tablicy, dzielačy 3—4 radok sa «Słuckam».

Pa vynikach nastupnaha tura «Nioman» moža zastacca ŭ adzinocie. Dla hetaha treba pieramahać «Tarpieda-BiełAZ». Budzie niaprosta, ale my prahnazujem pieramohu hrodziencaŭ.

• «Nioman» — «Tarpieda-BiełAZ»
• 28 maja, 20:45. Hrodna, CSK «Nioman»
• Kaeficyjenty: «Nioman» (pieramoha) — 3.22, ničyja — 2.82, «Tarpieda-BiełAZ» (pieramoha) — 2.51
• Prahnoz «NN»: pieramoha «Niomana»

Šmat hałoŭ u Viciebsku

I «Viciebsk», i «Słuck» iduć u vierchniaj pałovie tablicy. Zabivajuć niamała i dajuć hulać supiernikam. 

«Słuck» zdoleŭ strymać doma bresckaje «Dynama», a Jaŭhien Šykaŭka atrymaŭ vyklik u nacyjanalnuju zbornuju. U «Viciebska» taksama jość kamu zabivać i kamu stvarać momanty, tamu raźličvajem na hały!

• «Viciebsk» — «Słuck»
• 29 maja, 18:45. Viciebsk, CSK «Viciebski»
• Kaeficyjenty: «Viciebsk» (pieramoha) — 2.28, ničyja — 2.82, «Słuck» (pieramoha) — 3.68
• Prahnoz «NN»: totał bolšy za 2,5

Bresckaje «Dynama» ŭspomnić, jak pieramahać usuchuju

«Dynama» — vielmi dziŭny kalektyŭ. Dva trafiei ŭ siezonie, ale niaŭdačy ŭ čempijanacie i słabaja abarona. Zaprašeńnie Maradony krychu adciahnuła ŭvahu ad prablem «vyški», ale nie vyrašyła ich.

Z «Dniaprom» bieraściejcy ŭžo hulali ŭ paŭfinale Kubka i nie adčuli niejkaha surjoznaha supracivu. Advažymsia pradkazać, što matč čempijanatu projdzie pa takim ža scenary.

• «Dynama-Brest» — «Dniapro»
• 29 maja, 20:45. Brest, DASK «Brescki»
• Kaeficyjenty: «Dynama-Brest» (pieramoha) — 1.28, ničyja — 5.00, «Dniapro» (pieramoha) — 12.00
• Prahnoz «NN»: totał bolšy za 2,5

Vybierycie matč i abaviazkova naviedajcie stadyjon! A kab prahlad futbołu byŭ bolš cikavym, raim zrabić staŭku ŭ Bukmiekierskaj kantory Marafon!

• 0
• 0
• 0
• 0
• 0
• 0
• 0
• 0