За забойства калегі пасля навагодняга карпаратыва хлопец з Жабінкі атрымаў 16 гадоў узмоцненага рэжыму, паведамляе Брэсцкі абласны суд.
Пасля навагодняга карпаратыву жыхар Жабінкі працягнуў адзначаць свята ў кватэры свайго брэсцкага калегі. Там паміж імі паўстаў канфлікт, у выніку якога госць ударыў гаспадара нажом. Ад атрыманых траўм пацярпелы памёр. Каб замесці сляды злачынства фігурант падпаліў кватэру, знішчыў і пашкодзіў маёмасць.
Суд прызнаў мужчыну вінаватым у злачынстве па п.6 ч.2 арт.139 (забойства, здзейсненае з асаблівай жорсткасцю) Крымінальнага кодэкса. Яму прызначана пакаранне ў выглядзе 16 гадоў пазбаўлення волі з адбываннем у папраўчай калоніі ва ўмовах узмоцненага рэжыму.
Каментары