Шуневіч пракаментаваў затрыманні дзясяткаў чалавек на Зыбіцкай
Міністр унутраных спраў Ігар Шуневіч пракаментаваў нядаўнія масавыя затрыманні на вуліцы Зыбіцкай у Мінску. Адказваючы на пытанне Еўрарадыё, ён сказаў наступнае:
«У гэтай частцы горада пастаянна адбываюцца парушэнні грамадскага парадку. Рэдка, але прыходзяць заявы ад грамадзян. Мы правялі некаторыя мерапрыемствы дыягностыкі гэтага рэгіёну. Я лічу, што мы дзейнічаем у межах сваіх паўнамоцтваў досыць карэктна. Брутальнага затрымання, як пісалі некаторыя СМІ, не было. Усё было дакладна і пісьменна. У далейшым спецыяльных адпрацовак не будзе. Будзем гэтак жа рэагаваць на звароты грамадзян»
2-3 чэрвеня міліцыя пры ўдзеле амапаўцаў затрымала на Зыбіцкай («галоўнай тусовачнай вуліцы» сталіцы) каля трыццаці чалавек. МУС пасля заявіла, што ніякага «хапуна» не было, затрымлівалі толькі за знаходжанне ў грамадскім месцы ў нецвярозым стане або распіццё алкаголю па-за кавярнямі і летнімі тэрасамі.
Што да планаў усталявання на Зыбіцкай відэакамер, то яны «ўсталёўваюцца ў адпаведнасці з законам, аб'екты вызначаны і нейкая вуліца выключэннем не можа быць», сказаў Шуневіч.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары